MIRROR成員姜濤近日推出新歌《白果》，並邀900名「姜糖」（粉絲暱稱）一同拍攝MV，場面震撼﹗MV講一個好抽象的頒獎禮，每個戴面具的粉絲，代表各行各業的人，「我哋每次去頒獎禮時，會用面具遮住自己緊張的心情，希望大家可以放低面具，享受每個頒獎禮」，他多謝粉絲參與拍攝。
昨晚（6日）姜濤在社交平台貼片，他寫道：「感謝每一位參與的你們。」片中完成MV拍攝後，姜濤行出台前答謝姜糖，他說：「嚟緊要做一樣好重要嘅嘢，未必你哋你哋個個都做到，但係都要聽聽話話地做OK？收工喇，thank you你哋收工喇~相處嘅時間過得特別快，又係時候講拜拜。」最搞笑是現場粉絲不捨得收工，反而大叫「OT」，搞到姜濤哭笑不得，而他還相當識做，走到左中後3個位置跟粉絲合照。有網民留言：「史上最失落嘅收工，可以同偶像一齊工作真係好。」
