張天賦（MC）近日化身信用卡紅日假期主持，向大家預報2025年的所有紅日假期，教大家假期消費如何精明賺着數。第一次做假期主持，MC坦言幾好玩︰「其實我好喜歡同聲音有關工作，無論唱歌、做DJ、主持都鍾意，用唔同語氣表達講述一件事幾好玩㗎，但做紅日預報主持，自己就冇假期啦。依家我仲係拼搏期，暫時都冇假期。」
MC因被傳染患了流感，上星期澳門最後一場演唱會要延期。他表示已回港數天，亦已看了醫生，目前留在家中靜養。MC笑言終於有假期，但是他最不喜歡的病假。MC說︰「真係要學識好好照顧自己身體，希望歌迷朋友都係。我希望以後都係健康咁放假，開開心心去玩。我好多地方仲未有時間同有機會去，好希望可以去滑雪！當務之急，我要快啲好番，然後去澳門再見大家！」
回顧過去一年，MC成績不錯，他表示︰「結果對我嚟講係後話，我喺音樂上只有一個目的，就係樂迷聽得開心，自己又做到自己想做嘅嘢就已經好滿足。我去年音樂產量唔算高，因為做咗好多其他新嘗試，拍咗兩部電影，同丹哥（甄子丹）合作最難忘，第一次接觸動作電影，真係學咗好多嘢同好開心，係我星途上一個大突破！未來，我希望可以有更加多新嘗試！」
