有「廚壇魔術師」稱號的楊尚友（Christian），主持的TVB Plus飲食資訊節目《親民的品味》今晚（9日）首播。擅長煮法國菜的Christian將以深入淺出的方法， 分享以蔗渣價錢選購美酒佳餚的心得。他將在第1集介紹朱古力，並提供一個簡易方法分辨出優質朱古力。Christian說︰「方法好容易同好快，就係睇包裝紙隻朱古力有無得過獎。」他又分享品嘗朱古力有「看、聞、摸、聽、食」的五步曲，又說朱古力跟紅酒一樣有Grand Cru級別。
Christian將在明晚播出的一集中表示平價紅酒未必差，他說︰「Grand Cru係等級，Grand Vin係指酒莊認為自己最好、最能代表自身釀酒工藝嘅酒，所以係品質保證，價錢親民好多。製作Grand Vin嘅釀酒師會用好多時間同努力，令到生產嘅酒有吸引力。Grand Cru一定係靚嘅保證，而10年以上嘅Grand Vin性價比極高。」Christian又會在節目解釋副牌酒等同正牌酒的謬誤︰「酒廠點會做同一種酒，價錢又平好多去打自己？副牌用嘅葡萄根本同正牌唔一樣，甚至釀酒師都唔係同一個人，咁酒質點會一樣。」
