MC張天賦原本在1月5日在澳門舉行《This is MC 2 LIVE IN MACAU》演唱會尾場，由於MC身體欠佳，開騷前大會宣布當晚演唱會取消，延期舉行。經過幾天休息後，MC今日（11日）凌晨在社交平台交代近况：「呆咗幾日終於醒返少少，收到好多關心留言，我好返好多啦，唔使擔心。」
MC憶當晚（5日）的心情儼如坐過山車：「之前一晚食完特效藥，一直希望藥力快啲見效，趕得及第二晚嘅表演。晏晝開始一直努力綵排試聲，點知越晏身體狀況反而越差。最後大家都覺得勉強繼續嗰晚嘅演出係會有危險，亦唔係觀眾同歌迷想見到嘅演出，所以最後時刻都係選擇剎（煞）停。」
MC約定大家年初四見：「知道我休息咗幾日，各單位就做足幾日去處理後續嘅延期安排，辛苦晒主辦棋人娛樂，公司華納，場地倫敦人以及各單位嘅體諒同配合。希望我可以盡快好返晒，補場嘅時候可以俾到一個更精彩嘅表演俾大家，唔使各位擔心住咁睇show。又一年同大家一齊過農曆新年，初四見啦。」
