余香凝、余潔滢、廖子妤、陳穎欣（Yanny）、林千渟、蔡明思（Jessica）、吳嘉禧等古天樂旗下公司One Cool Jam Cast及Jam Cast藝人，日前提早舉行新春團拜。Yanny拍拖近8年的音樂人男友陳考威，早前在叱咤頒獎禮上宣布兩人年內結婚。「準人妻」Yanny笑言︰「雖然最後一年𢭃利市，但都唔會好搏命，因為我派一定比𢭃多。」提到婚事籌備進展，她希望能在明年初舉行婚禮︰「婚禮希望盡量得閒啲先搞，同埋唔想喺好熱同雨季度搞。本身個婚禮想去日本舉行，但傳聞有啲天災，唔想到時賓客同自己會擔心，所以可能會轉地方，依家仲物色緊邊度有舒服、安全又有啲好回憶嘅地方。」
