38歲曹敏寶（Mable）17歲時曾參加前女團Cookies選拔比賽並奪得亞軍，2011年以歌手身分出道，推出過幾張唱片。2022年，她參加首季《中年好聲音》而再次活躍起來，獲得不少商演機會，惟已婚的她去年初跟同樣已婚的《中年》參賽者梁浩銓傳緋聞後被「雪藏」，有指一班《中年》戰友亦因此疏遠她。Mable近日自資推出新歌《未結束的故事》，她接受商台《星光背後》訪問時，感恩在事件上一直獲丈夫林潤生百分百信任及支持。她說︰「嗰段日子，我會形容自己支離破碎，由好忙變到乜都冇，但我老公喺我背後畀我最強大嘅支持，我形容唔到佢嗰種無條件信任同愛。佢好清楚我係乜人，知道我熱情同大情大性，真係所有人都會攬頭攬頸。好在我每樣嘢都同佢講，之前我每日同邊個食飯出街，佢都知。佢比我想像中更成熟，好多人都好擔心會影響到佢，但佢完全唔care。佢咁強大嘅信念，令我更加愛同欣賞呢個男人，絕對冇嫁錯呢個男人！」
