《中年好聲音3》昨晚(26日)27強首輪3人PK賽的賽果揭曉,最高分頭3名依次為獲得90分的張與辰《有一種悲傷》、89分劉洋《只是太愛你》及85分林立峰《眼淚成詩》。至於王鄭浚仁、杜閱及陸東成則同因獲組別最低分,而跌入危機區,最終評判決定淘汰杜閱。
昨晚一集《中年3》另一個精彩位,落在擅長勁歌熱舞的選手李創偉,抽中「勁歌組」的李創偉選唱林憶蓮的《瘋了》,笑言希望憑歌分享自己年少時戀愛灼熱感覺,並坦言曾有過瘋狂做兵歲月:「可能會全天候Ready、24小時營業,跟住收到電話on time stand by呀,長大後就發現,戀愛唔應該咁樣。」
大隻又健碩的李創偉,以魚網背心配黑皮褸上陣,甫出場已引發尖叫;李創偉演唱期間,不但眼神妖氣十足、再配以脹卜卜胸肌、線條分明朱古力腹肌及勁度十足的舞步,炒熱全場氣氛,陳奐仁全程睇到心心眼,事後更坦言:「如果呢個係《中年好舞蹈》,我諗你會滿分。」肥媽佩服李創偉中氣十足:「佢可以跳到咁都仲有聲唱,我都好服佢喇。」雖然李創偉台風獲近乎一致肯定,但卻被認為音準欠佳,故最終僅獲78分。
之前未有引發太多關注的林立峰,今集憑《眼淚成詩》成本集第3高分;林立峰演唱期間,一度因緊張唱錯歌詞,卻未有失分,更獲肥媽大讚:「你唱到好似係後面打錯字,而唔係你唱錯咁呀!」車婉婉聞言搞笑說:「最高境界!」黃凱芹讚林立峰雖然唱錯歌詞期間,明顯略顯緊張,但整體依然出色:「表情、感情、聲底、層次感等等,整體嚟講我覺得動人嘅,你係唱得有啲地方我覺得會起雞皮。」陳奐仁亦讚他歌人合一:「音準唔係最好,拍子甩甩地,成日話唱歌要有感情係咩意思,就係要歌人合一,呢個係最大嘅稱讚嚟㗎。」
今集被淘汰的杜閱,選唱《一個人的精彩》的背後故事是離婚超過8年的她,原來是希望可憑歌脫單,並想表達:「一個人嘅生活並唔可怕,反而可以利用一個人嘅時候裝備好自己,令自己變得更好,去迎接下一段新嘅開始。」這個重要又正面的信息,可惜因音準等問題只獲76分需進入危機區,被評判選定為本集被淘汰選手。