視后龔嘉欣密密接Job 孖ViVi合作直播帶貨 分享拍劇心得 (15:17)

文章日期:2025年01月28日

龔嘉欣(Katy)早前於《萬千星輝頒獎典禮2024》,憑《企業強人》「方芳」一角首奪「最佳女主角」獎,首奪視后殊榮。龔嘉欣獲獎後工作接踵而來,忙過不停,近日這位出爐視后,首次伙拍同樣以企業「女」強人見稱的帶貨女王ViVi,合作直播帶貨。

龔嘉欣已有不少直播經驗,合作當晚開心順利,高峰時段更破6000人收看,ViVi大讚Katy專業,又驚嘆Katy真人好瘦,明明嗜吃甜品蛋糕又因拍劇常捱夜,但皮膚依然保養得宜,Katy則說:「我以前好誇張,好懶又唔識護膚,1個月先用一次面膜,Facial都2年先做一次。但發覺30歲後真係唔得,一定要日日敷Mask,我好鍾意臨瞓搽好厚面霜,第2日覺得好吸收好補水!」

對於成為視后,龔嘉欣再次感恩表示:「自己真係冇諗過,入到5強已經好開心,好多謝每一位投票畀我嘅朋友同觀眾,同埋身邊好多人好惜我!」ViVi欣賞Katy勤力,羨慕她熟讀劇本與對白能力,當問及如何做到時,Katy坦言自己好怕NG,因不想耽誤到別人,都是靠勉勵自己要「做好啲」而已,她笑指ViVi也已是「直播界視后」,一樣厲害呢﹗

(即時娛樂)

相關字詞﹕