炎明熹(Gigi)去年中疑因合約問題被無綫「雪藏」,最近幾個月已在零工作狀態,連台慶頒獎禮及其他電台的音樂頒獎禮亦不獲公司安排出席。雖然如此,Gigi亦活得充實,除了上學及去旅行,也不時參與後援會的活動。昨天(29日)年初一,Gigi去了看舞獅表演。
她亦在前天(年廿九)透過歌迷會的YouTube頻道發放最新影片,久未公開露面的她轉了新髮型,由從前的齊蔭變成分側邊界。Gigi在影片中跟老師學寫書法,練習了一會後就開始寫揮春,先後寫下「蛇」、「出入平安」、「福」、「身體健康」及「招財進寶」,獲老師讚寫得靚。
Gigi說︰「我平時就算用鉛筆寫字又或者原子筆寫字,我啲字都係歪嘅,啲字都係每一日因為個心情而唔一樣,有陣時啲字好成熟,有陣時啲字就好圓。不過,我覺得今日整體嚟講寫揮春可以令到我嘅心情變得好平靜。 蛇年,大家唔好蛇鼠一窩其實就OK㗎啦﹗我喺度祝大家身體健健康康,萬事順利,然後心想事成,五福臨門,福星高照,出入平安,龍馬精神﹗」