明報網站

《祥賭必贏》票房破400萬 謝安琪岑珈其現身與阿Sa鬥戲 (13:21)

文章日期:2025年01月31日

蔡卓妍(阿Sa)、張繼聰、朱栢康(朱康)、邱士縉、吳家忻、胡楓、楊偲泳及楊偉倫(阿卵)主演的賀歲片《祥賭必贏》1月28日(年廿九)上映,至今(31日)的累積票房已衝破400萬。除了事先張揚的洪嘉豪特別客串外,謝安琪(Kay)和岑珈其亦驚喜現身,分別飾演街坊女賭神和盲人賭徒。兩人與阿Sa同場鬥戲,大放笑彈。

Kay與阿Sa在賭枱上「決戰十三張」,大騷牌技。Kay透露:「其實我唔識玩十三張,要靠阿Sa教我點樣砌牌。導演仲請咗個美女魔術師,現場教我點樣洗牌,唔算好難學,花咗半餐飯時間就學識!」首次參演賀歲片,Kay十分開心︰「我一直好鍾意同屋企人入場睇賀歲片,所以今次有份參與特別開心,加上可以同張先生(丈夫張繼聰),又有我鍾意嘅演員包括阿Sa、朱康、阿卵合演一套喜劇,作為演員覺得係一件好夢幻嘅事。拍攝時仲親眼見證阿Sa成功表演飛牌絕技,真係歎為觀止﹗」

岑珈其飾演一位戒賭中心的盲人賭徒,與阿Sa出盡法寶力抗賭癮,場面爆笑。珈其感謝導演羅耀輝邀請他客串賀歲片,令他終於能與阿Sa同場演戲。珈其說︰「以前合作嘅電影冇乜機會同阿Sa對戲,今次好開心可以一齊飾演戒賭人士,埋位前睇劇本排戲我哋經已係咁笑,拍嘅時候都有笑場,大家都拍得好開心!」

(即時娛樂)