張敬軒昨天（1月31日）到沙田馬場為「農曆新年賽馬日」擔任表演嘉賓，出動紅色私家咪上台獻唱，事後更開心接受傳媒訪問，表示今天44歲生日開始放大假，應會跟父母食飯慶祝。原來，他出場時遇上不快事，上台前發現其私家咪高峰疑因工作人員使用不當，令咪頭及手把不少位置的塗層都甩掉了。
軒仔昨天黃昏在社交平台上載私家咪受損位置的照片，他說︰「我今日有少少唔開心，有冇人明？真係會好肉赤，已經唔係用得多，都唔知幾時整到嘅，今日臨出場前攞到上手先知。有時提啲sound man哥哥擏錫啲，驚講多兩句面色又唔好睇，又唔想畀人覺得我好似好小家咁，但我自己用嘢都好愛錫，所以有時唔係個個活動都捨得用自己咪就係咁。」
有曾做過後台工作的網民表示︰「明呀！我都有喺後台做過，有時佢哋放咪真係比較求其，碌嚟碌去嘅咪就咁放喺枱面，肯定出事㗎，一係夾咪個咪夾唔啱，求其夾，然後又夾唔實就飛街。真係好心痛，請多一個熟人同你跟咪啦﹗」周吉佩亦表示︰「好明。一丁點，個心都會赤晒。」
軒仔常用的私家咪平則數十萬，貴則過百萬。他曾在新加坡開騷時被熱情歌迷撞跌咪高峰，維修費高達兩隻勞力士的價錢。
