36歲的譚杏藍(小花)兩年前與拍拖10年的ToNick主音趙善恆(恆仔)分手不久後就遇上真愛,去年8月宣布接受拍拖一年圈外男友Ronald的求婚,兩人將於下月舉行婚禮。小花近日接受商台《星光背後》訪問,公開由情傷到決定閃婚的心路歷程。小花表示待嫁心情輕鬆︰「我哋會喺3月、4月搞兩場婚禮,因為太多朋友同家人出席,本來以為會有壓力,但可能搞得活動多,自己又鍾意搞活動,覺得好開心,當搞event。」她透露兩日婚禮為一天戶外西式、一天室內傳統中式,配合有不同需要的親友,安排喜歡美食、有小朋友的親友參與室內婚禮。
小花與未婚夫Ronald 2023年開始交往,翌年8月就決定結婚。對於被指閃婚,她說︰「閃婚有咩問題?啱咪得囉!」她認為只要遇到對的人,雙方有共同目標,可以交往不久就結婚。小花透露Ronald早在拍拖第一天已表明以結婚為前提,她亦有共同目標,所以一拍即合很快發展至同居階段。小花遇上心儀對象時從不介意主動示愛,她披露與Ronald因疫情與大班好友一起行山認識,最初2人各心有所屬,她對Ronald亦沒有特別印象,及至2人差不多同時變回單身,她才對Ronald漸漸產生好感。小花說︰「之前一大班人咁見,真正交流係去到2023年初,兩個都回歸單身,成日一班人飲嘢同打保齡。係我約佢先嘅,因為我對佢有好感先同埋覺得佢完全係我想要嘅人,佢好乖仔,而我嘅性格亦唔鍾意收收埋埋。」她坦言Ronald是唯一一個令其家人迅速信任的男人︰「佢好自然就吸引我媽咪!我家教比較嚴,阿媽11點就會催我返屋企。拍拖期間,有一次我媽知道我喺Ronald屋企,佢直接打畀Ronald,仲話『叫阿女唔使返』,我好震驚!」
小花表示其情史不算豐富,未婚夫亦只拍過6次拖。她說︰「我以前會傾盡所有為對方付出,遇上Ronald後終於感覺到雙方都付出嘅唔同。我幾戀愛腦,好鍾意付出,愛對方就想對方好,但人大咗就覺得要改變,依家同未婚夫嘅關係好平等好舒服,亦覺得關係舒服最重要同最難得,既然咁難得就一定要一齊。」雖然曾多次受情傷,小花直言未對感情灰心過︰「周街咁多男人,每個都唔同性格,我點解要失望同放棄?好似啲人咁講『新 is better』,要向前望,我格言係『一日未放棄,一日都未算輸』﹗」
談到生育大計,小花稱本來沒打算生小朋友,但因有風水師指她今年很大機會懷孕,因而改變了想法。她說︰「聽完佢講,我會諗吓邊間房做BB房。屋企人冇畀壓力,但Ronald比較傳統想生兒育女,咁就隨緣啦。」