第97屆奧斯卡頒獎禮香港時間今早舉行，電影《阿諾拉》除贏得最佳電影，還囊括最佳導演、最佳女主角（美琪麥迪遜）、最佳原創劇本及最佳剪接，合共5獎，成為頒獎禮大贏家。
谷德昭也有留意奧斯卡，今午（3日）他在社交平台貼出《阿諾拉》海報並發文，坦率示「真係唔識欣賞」，谷導寫道：「唔明點解周圍拍爛手掌？仲攞埋奧斯卡最佳電影﹑最佳導演﹑最佳原著劇本﹑最佳女主角，搔晒頭，最佳電影喎，套戲有咩大或小道理想講呢？我真係睇唔到，唯一諗到嘅得獎原因係套戲拍咗幾嚿水美金（編按：600萬美元），好抵拍，又係好獨立吓嘅獨立電影，大概係荷里（李）活資方的一聲悶哼，向收緊幾億幾千萬酬金的大支嘢台前幕後嘅一份致意，你哋班大卡士可以喫蕉了。」
不少網民也在谷德昭的Ig留言和應稱有同感：「我都睇咗呢套，R晒頭點解會攞咁多獎。一套飛雞變鳳凰再跌落凡間嘅扮幽默性工作者故事，拍到兩頭唔到岸。舊港式八九十年代勁多呢啲戲仲好睇。」﹑「同感，唔覺得套戲帶到向性工作者致敬嘅message」﹑「點解唔係Demi Moore（狄美摩亞）」﹑「引證"good movie is not about budget"?」
