曾在網劇《反黑》演大反派「招積」及拍三級片《一路向西》而為人認識，而且他出名搏命，樂意為角色增肥或減磅，曾令身體響警號，不過近年電影市道低迷，張建聲的工作量亦相對大減，日前他在社交平台酒後吐真言，開Live表示感到心酸及好攰，又透露身為香港演員「冇戲拍」辛酸，他為尋找投資機會，需出外應酬，難免兩杯落肚，他自揭曾飲到穿胃兼試過屙血。
有網民問他為何在港沒有人找他拍戲，他直言香港已經不多戲拍，而且影視圈「個餅太細」，比他叻的人很多，故此他將事業重心移到廣州，亦去到日本及馬來西亞搵機會，惜現時業界不振但令他感無力。事業未有很大回報，感情生活亦未能開花結果，面對眼前困境，張建聲說非賣慘，但坦言開戲很困難，同時他仍盼觀眾入戲院支持港產片。
昨晚（3日）張建聲在Ig限時動態寫道：「收到大家留言關心，多謝晒，其實嗰晚應酬完未醉酒開Live噏下，純粹講下電影業同自己嘢咁啦，冇特別，ok bye﹗ #香港地賣慘冇用㗎，去賣橙重（仲）實際啲﹗」
