TVB Plus飲食節目《美食新聞報道》今晚（10日）「星級飯腳」請來資深藝人邵音音擔任嘉賓，她縱橫影圈多年，拍過不同種類電影，曾兩奪香港電影金像獎最佳女配角。事前蔡景行（行仔）直言好驚︰「同大前輩食飯，佢又好似好有性格咁，好驚呀。」當他見到性格爽朗的音音姐時，疑慮一掃而空。
第一站音音姐帶行仔到經常光顧的飯堂用膳，大鄉里般的行仔見到偌大包廂，忍不住問︰「嘩！咁大間房，音音姐你平時一個人嚟都食咁大間房㗎？」大情大性的音音姐忍不住笑罵︰「你都黐孖筋嘅，我一個人點可以食咁大間房。」她介紹此家酒樓是由多位歌星、明星集資開設作為自家飯堂，音音姐解釋說︰「佢哋原意係橫掂日日都出街食飯，不如自己開一間。」她又補充酒家經常邀請昔日小生花旦舉行小型演唱會，她說︰「佢哋唔係為掙錢，為大家開心。我哋買枱聽歌一齊玩，好開心㗎。」
音音姐推介的黃酒雞是客家女性恩物，主打行氣活血，音音開玩笑說︰「每次嚟必食，我呢啲應死唔死，就係靠飲呢啲，客家米酒對身體好好。」接住星洲胡椒蟹上場，行仔化身暖男為音音姐拆蟹鉗，又應要求餵食，獲音音姐激讚︰「嘩！真係好食到想講粗口。」行仔貼心舉動獲讚「靚仔」。
