鄧麗欣（Stephy）一連3場《STEP by STEPHY 鄧麗欣紅館演唱會2025》今晚於紅館舉行頭場，獲好友張繼聰與謝安琪到場支持。首次紅館個人騷，Stephy準備充足，狀態大勇，先穿上性感大露背閃石背心大騷香肩及纖腰，以歌曲《戲一場》為個唱揭開序幕。再唱出電影《白晝如焚》主題曲《黑夜孤寂．白晝如焚》，第3首歌安排獻唱首本名曲《不要離我太遠》，令台下歌迷尖叫。她隨後再唱出《再見不是朋友》、《戒心》及《分手的情書》3首情歌。
第2部份環節Stephy大玩集體回憶，換上另一件小背心跳唱昔日在女團Cookies時代歌曲，包括 《No One Knows》、《宇宙最強》、《紅組加油!!》及《心急人上》，期間被男舞蹈員抬起並360度轉圈，贏得歌迷尖叫及掌聲。她直言十分鐘的跳唱表演並不容易：「幾十年冇跳舞，係咪好有誠意先？嗰幾個圈練習時企唔穩，揀呢幾首歌因為本身冇咩跳舞歌，可以騷腹肌。」終於能踏上紅館開個人演唱會，她向歌迷道謝：「唔好意思，要你哋等咁耐，終於響呢度見面，好多謝大家陪住我成長，冇放棄我，一路等我。」
