曾三奪香港電影金像獎影帝的劉青雲憑《爸爸》，在今晚（16日）舉行的「第18屆亞洲電影大獎頒獎典禮」中，憑電影《爸爸》首次獲亞洲電影大獎的「最佳男主角」。他從今屆「終身成就獎」得主役所廣司手上接過獎座後說︰「好開心，《爸爸》係港產片﹗好多謝導演翁子光一直對我嘅信任同埋畀咗呢個機會我。我要多謝我喺戲入邊嘅屋企人，谷祖琳，同個女Lainey（熊諾頤）。雖然佢冇提名，但係佢喺《爸爸》入面演得好好，仲有戲入面嘅仔蘇文濤，佢有提名最佳新人，雖然佢冇攞獎，但係唔緊要。」青雲對台下蘇文濤說︰「你知唔知，我從來冇提名過最佳新人，所以其實你好叻﹗」青雲最後表示︰「好多謝大家，我對港產片係有信心，大家一齊努力，多謝。」
