「第18屆亞洲電影大獎頒獎典禮」昨晚（16日）舉行，最佳原創音樂由《破‧地獄》的朱芸編奪得，他在台上致謝時多謝導演陳茂賢及英皇娛樂，同時他又多謝經理人﹑女友Winka及父母，原來朱芸編口中所提的Winka，正是女團COLLAR成員陳泳伽。
Winka昨晚亦是座上客，Winka坐在朱芸編前一排通道位，畫面亦拍到朱芸編從Winka身邊行過，Winka還用電話拍低男友領獎一刻，並放在社交平台限時動態放閃，她興奮寫道："Congratulations! You did ittttt!!!!"
另外，負責頒發該獎的張繼聰和謝安琪（Kay），在台上耍花槍，Kay先說：「張先生呀，同你結咗婚咁耐，都未問你呢個問題，你最鍾意最佳原創音樂係點㗎？」
阿聰則說：「我覺得出色嘅原創電影音樂，音樂﹑畫面﹑嗰啲情感，觀眾Good，唔使翻譯，大家都明，不過講容易，做就好難，但難極都好，今（昨）晚我哋都有5位出色音樂家，至於講到我最鍾意嘅呢....」此時Kay和阿聰突然情深款款互望，2人還在台上拖手耍花槍，Kay甜到漏說：「呢個答案我好鍾意。」
