張慧儀近日接受鍾慧冰網上頻道節目訪問，分享從馬來西亞參加選美後來香港發展的往事。她表示初來港時因廣東話麻麻，最初獲TVB安排在公司做接線生及讀報紙練廣東話。張慧儀坦言年輕時的她性格較直和任性，加上外形惹火，衣著較性感，不少TVB同事最初也不喜歡她，用一些不好的字眼形容她，她聽到後就對抗起來，令別人更不喜歡她。談到當年因演出處境劇《真情》「彩瑤」一角而入屋，彩瑤後來卻被編劇「賜死」，張慧儀透露︰「我估我嗰時離開《真情》就係因為我啲性格唔討好，應該係咁。（所以就安排你死？）應該係咁﹗嗰時我好天真，我仲未意識到，亦有少少覺得唔緊要啦，係後來啲人講返畀我聽，但係真係假，我哋冇考究。我都冇乜嘢，你唔知，就冇擺喺心度。我都冇諗到有咁大迴響，離開咗《真情》後，開始街上啲人『彩瑤彩瑤』咁叫我，嗰陣時開始發覺自己被人認識。後來，聽講好似係因為馬來西亞好多觀眾寫信去TVB，唔知真定假，講希望呢個角色呢個人可以再出現，所以後來就有阿貴。」
