陳凱琳今天（12日）到將軍澳出席慈善活動，有傳與「少婦聯盟」好姊妹沈卓盈鬧翻，陳凱琳否認此事，並強調間中會見面，即使很少公開合照，私底下感情仍佳，她說：「睇到好多傳聞，有時話我離婚，有時又傳有第4胎，我覺得喺呢個社會，關懷同愛好重要，希望大家唔好經常去散布一啲唔好謠言，就算唔係真，可能人哋睇到會唔舒服，因為大人點去講嘢，小朋友都會接受到而去學習，作為家長我覺得有責任要教好下一代。」
陳凱琳又指上月罕有在社交平台放負，是有關家事，留言只是讓自己舒緩，問題亦與身邊的人解決了，但想保留一些私隱，拒絕透露內情。
另外，她表示下月會在加拿大，推出首本英文圖畫故事書，圖畫由畫家負責，文字由她操刀，去年開始籌備，終於能一嘗心願為自己小朋友出一本書，內容也講述兒子生活逸事，但她否認轉型做才女：「我細個已好鍾意睇書，試過唔瞓覺拎電筒喺被竇偷睇，仲搞到睇壞眼，10歲已400多度近視，驗眼師都奇怪問我咁細個就有近視。」
