謝霆鋒一連4場《Evolution Nic Live進化演唱會》昨晚（24日）於啟德主場館開鑼，吸引大批圈中人捧場，包括容祖兒、蔡卓妍（Sa）、關智斌、沈震軒、周柏豪、高海寧、李幸倪、泳兒、洪永城夫婦等。祖兒與阿Sa在台下跳足全場，叫到幾乎失聲，如自己開騷一樣興奮。
祖兒說︰「今個禮拜以為唔使去澳門可以唞吓把聲，點不知今日喺啟德嗌到差啲失咗聲㖭﹗謝霆鋒你以為淨係你喺台上唱到索氣呀？我哋做觀眾都爭啲斷氣啊！又《潛龍勿用》又《改造人》、《遊樂場》、《玉蝴蝶》、《非走不可》、《無聲仿有聲》、《愛後餘生》、《前前後後左左右右》、《因為愛所以愛》、《一擊即中》、《開放日》、《曝光》、《活著VIVA》......全晚又激動又感動，我都唔知自己想點。」
祖兒回憶當年首次聽到《無聲仿有聲》，自己只是一名剛加入公司的小丫頭，遇見霆鋒時更被他的背影嚇親，但多年後發現他是自己遇過的最好男人之一。祖兒續說︰「經過咗今晚全場觀眾為你歡呼喝采，相信大家等了25年都值得！我哋一家人為你驕傲！唯一不滿意就係你明明應承咗我哋唱嘅......《壞習慣》究竟去咗邊呢？呢個壞習慣要改啦......」
