COLLAR成員邱彥筒（Marf）現身「第43屆香港電影金像獎」紅地氈環節，她透露為了襯托身上價值700萬的首飾，昨天特別曬燈令膊頭更靚。Marf說︰「第一次戴咁貴首飾，有啲緊張﹗」談到早前擔任Coldplay演唱會的暖場嘉賓後蜚聲國際，她說︰「係就好喇﹗我個社交平台的確多咗英文留言，相信當中有外國人﹗呢件事令我好興奮、開心同榮幸，因為一直講『國際』呢兩個字，依家近咗一步仔。最近的確多咗人想搵我合作，好多謝大家欣賞，希望未來有更多工作，拍多啲電影。」對於被指擊敗30位歌手成為暖場嘉賓，Marf稱為此問過相關人士，證實傳言是假的。她說︰「我唔知實情，未必係擊敗。每個人都有唔同機會，好榮幸得到呢個珍貴機會。相信我被揀中可能同曾經與澳洲小天王Ruel合唱過有關，但永遠唔知道點解。我冇親自問Coldplay，寧願用呢個寶貴時間傾偈。」
