女團COLLAR成員蘇雅琳（Ivy So）聯同馬志威、張馳豪（Aska）等，今天（28日）到灣仔出席時裝活動，Ivy So表示經理人戴穎（Wing）有其他工作未能陪同前來，更聲稱與Wing的男友馬志威未傾過偈，可趁機自我介紹，她說：「冇機會合作過，但我有睇佢《破‧地獄》表現，印象深刻。」
問想不想拍拖？中學之後已沒有拍拖的她表示：「幾羨慕見到佢哋拍拖，可以互相依靠支持，但我就同工作拍住拖先，都幾開心，未係好敢拍拖，拍拖都應該有多啲嘢煩，暫時工作時間已經好忙冇時間，暫時想留番少少時間畀自己。」她表示擇偶條件想有180cm身高的霸道總裁、有才華，是否圈內人沒有所謂，但她說：「最重要叻溝女同飲酒就唔得！」
馬志威卻踢爆與Ivy So早已認識，和Marf同是足球場上的波友，她說：「我同佢分享過一啲足球技巧，覺得佢技術好過男仔，但可能佢唔記得咗啦！未知係咪收咗經理人order先咁講，見識過Marf隻左腳好勁，但未有機會同場踢。」他表示不清楚女友Wing工作日程，只知道女友也很忙：「都有時間見面，都係定期食米線，𠵱家我已可以食到中辣，遲啲再挑戰大辣。」
