出爐金像獎最佳男配角朱栢康早前為男士服裝品牌拍攝廣告，他在廣告中展示弗爆身形，揚言︰「流過幾多汗，觀眾未必知，但我自己知道。背後有汗，有痛，有無數次重來。」朱栢康自言沒藝人包袱，平日喜歡簡約的打扮。他說︰「因為拍戲就會有戲服啦，所以平時都好簡約，一件恤衫畀人感覺斯文、有活力就可以，始終成長後都唔可以太求其，我試過有次做完運動突然要去試鏡見導演，本身得件背心、牛仔褲，好在車尾一直都有擺件恤衫，咁就簡約得嚟唔失禮！」
朱栢康笑言穿上服裝時的自信很重要，他有自己一套挑選服裝心得：「以前著衫真係好簡單，舒服至上，但近年去多咗隆重場合，依家都識得因應不同場合揀啱嘅衫著，我發現透氣快乾嘅衫真係好重要，因為現場啲燈都幾熱，自己又有啲緊張，但要扮晒型唔畀人知出汗，所以依家我會識揀著咩衫！」談到得金像獎後有何慶祝活動，他說︰「可能嚟緊會同啲朋友食吓飯慶祝，但都要收拾心情投入劇組。攞獎後希望拍多啲廣告，多啲贊助吓啲裇衫，因為藝人買衫其實都花費好大㗎！」
