謝霆鋒一連4場的啟德演唱會早前圓滿落幕，今次霆鋒個唱場場爆滿，吸引大批圈中好友以及名人巨星捧場，當中包括已故賭王何鴻燊的四房千金何超盈，她和好友林心兒及其他朋友睇霆鋒個唱，不過原來睇騷當晚，何超盈曾發生小插曲，她曾遺失手提電話。
昨晚（2日）何超盈在社交平台貼片並表示：「好感激我兩個恩人！幫我搵返部電話 非常專業，我覺得係五萬人嘅場地，仲要完咗場之後，執返一部iPhone機會真係好低，真係實在太犀利啦，今次去擔任呢一個演唱會嘅保安！以後希望可以多啲見到你同埋有合作的機會！多謝你哋呀 #謝霆鋒#啟德演唱會」超盈要多謝的保安，其中一位正是無綫「綠葉王」楊證樺。
楊證樺除了在無綫拍劇，現實中他投資了安全管理公司，他早前現身在香港啟德體育園舉辦的國際七人欖球賽監場，相當有氣勢﹗
