台灣天團五月天昨晚（9日）在啟德主場館舉行首場演唱會，本身是五月天粉絲的關智斌（Kenny）特別買飛捧場。他昨天在社交網分享和友人前往主場館入口的影片，稱之前看謝霆鋒演唱會時因是VIP身分，可直接坐車到指定位置下車，這次因為太喜歡五月天就自行買飛入場。Kenny邊行邊說已遲到，7時半開騷，他們7時35分仍在找入口。鏡頭一轉，Kenny拿出兩張門票，表示竟搞錯看騷日子，入場時被票務員阻止，說他們手持的是明晚（11日）場次的門票，而非昨晚的第一場。Kenny做了一個7字手勢自嘲，之後和友人只好去九龍城吃東西。他疑惑地說︰「點解我會一直記咗係9號㗎呢？原來係11號﹗」
蔡卓妍（Sa）、衛詩雅、鄧小巧、鄭希怡等圈中好友紛紛留下「笑到喊」的Emoji。衛詩雅說︰「一個成功嘅男人就係會作出精密嘅安排，好明顯你係特登早兩日去視察下環境先啦！關智斌！你真係好叻呀！你係我偶像！」鄭希怡說︰「冇問題呀，同平時一模一樣。」Kenny回覆衛詩雅︰「咪就係囉！大家誤會咗我啦！好彩你冰雪聰明。」他又表示︰「我係早到啊！唔好誤會啦﹗」
