惠英紅早前於第二十屆中國電影華表獎獲頒「優秀女演員」獎，成為香港第一人獲得這個國家級殊榮。英皇老闆楊受成為紅姐舉行慶功宴，衛詩雅、泳兒（Vincy）、周家怡、伍詠薇、何珮瑜、楊天宇、李靖筠等群星拱照。
紅姐在慶功宴上向楊老闆「突襲」送上大束紅玫瑰，霍汶希（Mani）問：「老闆有冇試過收紅玫瑰呀？」他笑說：「冇呀！」紅姐稱花束是親自揀，原來楊老闆也早有準備，馬上回禮送上一束鮮花。紅姐好感動：「好感激公司一路對我都咁好，要感激Mani，更加要感激我老闆，咁多年裏面，公司一直係喺後面一路頂住，我覺得我一定要爭氣，我唔可以丟架。」她續說：「公司知我身體有啲問題出現，但係我覺得呢啲都係小問題，最緊要我會表現好，同埋我要攞好成績，令到老闆唔會對我失望。跟住落嚟我都會一樣，我唔會因為年紀大要做輕鬆啲。」紅姐又化身熱血教練勉勵後輩，指公司有很多年輕的小妹妹、小弟弟，知道他們也有實力，希望眾人跟她一樣要爭氣，一定要爭氣！楊受成亦祝賀紅姐，下次可能獲奧斯卡終身成就獎，她霸氣接招：「我加油！」
