劇集《執法者們》於內地播出以來成為觀眾熱捧劇集，其中飾演黑警的羅子溢，細膩演繹由白到黑之複雜心情，被觀眾大讚演技大躍進，而劇中飾演古惑仔的丁子朗有情有義，均成為觀眾喜愛的角色。
播放量超越2億的《執法者們》，劇情開始進入結局篇，羅子溢黑警身分逐漸曝光，被一同出生入死之上司黃宗澤進一步試探身分。一直希望做一個好人的羅子溢被逼上絕路，本來想以吞槍為了結，結果在警務處處長就職典禮持槍指證吳啟華。要演繹這段人性矛盾的情感不容易，羅子溢說：「其實我都好鍾意個角色，因為好完整，由出身、背景、之後嘅轉變同結果，我演繹時最緊要係了解到角色嘅痛苦同有共鳴，咁就可以好好咁發揮出嚟，好高興可以參與到呢套咁有熱度嘅劇，觀眾嘅留言有讚嘅亦有需要改善嘅，我都會去吸收。」
至於丁子朗在劇中的古惑仔角色，跟黃宗澤是線人與警察關係，但兩人情同兄弟，為了幫忙黃宗澤調查羅子溢黑警身分，終於遇險，對於演繹角色受到讚賞，丁子朗覺得好開心：「戲入面同Bosco（黃宗澤）合作好有默契，佢加咗好多即興嘅嘢，出嚟好有化學作用，雖然係古惑仔，但都係一個好有夢想的人，如果可以開第二輯，就算角色死咗，都好希望可以以另一角色參與。」
