高海寧（高Ling）日前偕周嘉洛和黃庭鋒到英國睇利物浦勝利巡遊，3人表現開心雀躍，但今天（29日）高Ling罕有地在社交平台限時動態爆Seed，她寫道：「因為要趕回港工作必須由曼徹斯特飛倫敦再轉機返港，上機後已被通知行李趕不及上機，我立即告知自己今天落機就要即刻工作，即晚還要趕去深圳預備明早的拍攝，都需要用到行李裡面的東西。
職員承諾會安排跟下一班機飛往香港，大概會比我遲1-2小時到港，以防會Delay，我決定改行程安排明早（30日）06，先出發去深圳，以為萬無一失，點知落機又被告知行李要明早才能到港。
其實真的難以理解，如果轉機行李會轉唔及的話，點解唔預留多點時間再起飛？我班機已經delay咗至少45分鐘先起飛，都仲唔夠時間將行李上機？承諾咗可以安排跟下一班機返香港，依家又唔知點解做唔到？究竟搬運行李需要幾多時間？」
高Ling強調不需要金錢賠償，行李內有贊助商的衣服要歸還，有拍劇連戲要用的所有化妝品，有工作需要穿著的裙子，她寫道：「我沒有時間再重新準備，這些都不是金錢可以補償到的，已經嚴重影響我的工作行程。」最後她還寫了句「超鬧氣」附以3個火爆emoji﹗
