成功轉型「職安真漢子」的吳浩康（Deep）近日又有新搞作，其真漢子形象獲廣告商垂青，邀請他為啤酒品牌拍攝最新平面廣告，憑Man爆形象晉身為星級啤酒KOL。
Deep說：「剛收到品牌合作邀請，都覺得好驚喜，估唔到自己平時放工鍾意飲返杯，飲到可以拍廣告，掙到奶粉錢，真係好感恩客戶支持，今次重要係我平時幫襯開好鍾意嘅品牌。」Deep自掏腰包萬歲，收工時請大家歎杯放工啤鬆一鬆，他說：「呢排天氣咁熱，我哋戶外工作有時都幾攞命，收工同啲同事搵地方嘆下冰凍啤酒，收工飲幾杯，真係好爽!」
今次答應接拍廣告，除了酬勞吸引外，原來Deep也是該品牌的忠實粉絲，他說：「無諗過貼地生活，都可以帶嚟工作機會，仲可以喺老婆面前威番次，寓飲酒於工作，呢啲機會好難得。」
製作單位安排一間港式餐廳，作為廣告場景，現場還準備多款特色大牌檔鑊氣小炒和啤酒，呈現放工飲杯的輕鬆氣氛。Deep說：「飲啤酒難我唔到，估唔到今次最難係要忍口，廣告拍攝以為啲嘢食全部係道具，但見啲餸全部都熱焫焫、香噴噴，先知道大廚原來全程Standby，roll機前先炒碟餸出嚟，對於最近喼弗嘅我忍得好辛苦，但為咗拍攝效果，唯有犧牲小我。」
