【明報專訊】劉德華的Andox與黑仔跟熊本縣吉祥物KUMAMON（熊本熊）部長合作推出慈善T恤，早前一田百貨行政總裁莊偉忠帶埋熊本熊踩上「華仔天地」跟Andox與黑仔鬥舞，華仔現身跳埋一份。莊偉忠將這次合作寫了400多字在facebook跟粉絲分享，說自己是華仔的忠心影迷。他大讚華仔平易近人又有修養，令人心悅誠服外，拍攝時華仔搞到大汗疊細汗仍好好笑容。最搞笑是兩個大男人竟然講做家務，莊偉忠話自己晚晚洗碗，而華仔好誠實話最憎洗碗。他寫道：「估唔到臨近退休，畀我集到華仔郵，仲可以親口同華仔講：『我係你忠心影迷。』還得神落。」網民說兩個「男神」惺惺相惜外，又指兩人的年紀差不多，但莊偉忠比華仔「老相」，其實華仔是1961年出生，而莊是1962年呢！
