為女兒搞小型百日宴 雨僑談新手媽媽辛酸

文章日期:2020年11月20日

【明報專訊】雨僑今年8月為老公羅力威誕下女兒Harper,轉眼Harper已3個多月大,他們為女兒慶祝出世100日。雨僑透露羅力威本期待辦「龍珠」主題百日宴,但因疫情關係未能如願,於是改為小型百日宴度過簡單愉快一天。

喊得比女兒多

雨僑談新手媽媽的心情,她笑稱這100日比女兒喊得更多,回想由最初不知女兒為何喊,到知道女兒有肚風要搓肚仔;她形容為讓女兒有覺好瞓如經歷萬水千山,她說:「抱着女兒試過最長近15小時,我條頸跟雙手好痛,睇完醫師仍未止痛;已經不理媽媽手,是媽媽背、媽媽膊、媽媽全身!無數個夜晚,我抱住佢望住個天由黑變光,嗰種感覺真係難以形容。但係相信好多媽媽同我一樣,會覺得自己湊小朋友是值得的,就算有人幫嘅媽咪都不會舒服太多。可以抱就抱,因為佢長大就不用你抱;望住佢初生細細粒到肥肥白白識笑,真係覺得好幸福。」她認為新手媽媽的辛酸,是要咬緊牙關繼續戰鬥。

娛樂組