【明報專訊】無綫節目《聲夢傳奇》開始淘汰賽，前晚播出第二集，出現首名被淘汰學員，是18歲蔡愷穎（Lolita），她挑戰唱容祖兒的《心之科學》，但失準兼走音，途中腰帶鬆脫，她執生拿着腰帶繼續獻唱。著名音樂監製舒文直指她選歌方面太進取，有點吃虧；結果只得4分被淘汰。蔡愷穎落敗後顯得冷靜，反而其他學員傷心落淚，要她反過來安慰。
唔會放棄唱歌
蔡愷穎事後在社交網留言訴心聲：「首先要感謝當初願意參加比賽的自己，參加呢個比賽8個月，好開心認識咗一班好好戰友，同埋好多好好嘅工作人員，仲要好多謝李生（李克勤）對我哋用心嘅指導，大家都幫咗我好多好多，仲要多謝我爸媽無限量嘅支持，加上網絡上經常同我打氣嘅大家。雖然第一場比賽就因為種種原因而失準，但呢次經驗將會係我一次好重要嘅經驗，嚟緊我絕對唔會放棄唱歌，會繼續努力前行，就算冇得再上《聲夢》舞台，我都會繼續唱歌，堅持做我自己鍾意嘅事。真係好感謝大家嘅支持，亦希望大家會繼續支持我，我DSE會加油，一星期後就開考啦。」
娛樂組
