【明報專訊】劉沛蘅（Hillary）昨日到屯門出席活動。提到日前上載男友洪卓立為她慶祝31歲生日的甜蜜照放閃，Hillary大爆當日男友十分「蝦碌」，原本安排酒店Staycation並打算送驚喜，但她到酒店房時，見男友仍在佈置中，「見到佢正忙吹氣球，辛苦到面都紅晒，佢肯為我做這些事都好感動、好窩心，最後我哋一齊佈置」。她透露洪卓立還安排吃了一頓近萬元的法國餐，大讚男友暫時表現OK。
洪卓立日前表示已見過家長，正努力儲老婆本。Hillary稱每次拍拖都希望結婚，亦與男友一樣想旅行結婚，但雙方有共識，覺得還未是時候，先專注工作。她又大讚男友好識做，「我家人都讚佢有禮貌，佢好識投其所好，知我家人鍾意飲酒，會上網研究，然後買靚酒𧨾我家人開心，即使不飲酒都陪飲」。
