【明報專訊】姜濤日前在《903 AllStar籃球賽》攔截對方球員時不慎受傷倒地，顯得痛楚，右膝蓋包紮後要坐輪椅離場。事後姜濤透露在醫院詳細檢查，已安排手術時間。意外發生後，網民有不同意見，有認為敵方球員令姜濤受傷，亦有人質疑姜濤「打茅波」等。姜濤演出劇集《季前賽》的籃球指導、前甲一飛鷹球員兼現役教練Coach Fui（梁振雄）在社交網為姜濤發聲，指姜濤的右腳膝蓋前十字韌帶早在拍《季》劇時已斷裂，因此拍攝時也擔心對方會受傷，因姜濤是超積極防守的球員，無論在體育館或街場，都撲到盡，但他沒接受過正規訓練。
Coach Fui指商台籃球賽氣氛緊張，見姜濤交失波後用全力追波，結果左腳鞋頭撬到膠地板，然後右腳膝頭扭到觸及舊患。他指姜濤因膝蓋前十字韌帶已斷裂，膝頭關節特別容易甩骱。他說：「其實一個偶像打波，幾時會有咁搏命？佢防守態度同比賽認真嘅態度，根本唔會覺佢係偶像，只是一名盡全力打波嘅球員。大家其實唔需要理會中傷佢嘅評論，打波嘅佢，從來都唔會理呢啲嘢，淨係想全力贏場波，咁簡單。希望姜濤盡快康復，我會繼續放球王片打氣。」
娛樂組
