【明報專訊】岑麗香（香香）自誕下細仔「小腰果」後，一直專心照顧小朋友，剛踏入38歲的香香昨日獲邀到九龍塘為商場巨型聖誕樹揭幕，承認因疫情已很久沒出席公開活動，對於被讚凍齡有術，仍保持童顏及小蠻腰，她說：「疫下要留在家，又有兩個啞鈴，就是兩個仔，一個30磅、一個34磅，所以無時無刻都做緊運動。」她透露會繼續演戲，當細仔長大少少，有好劇本就會重回工作崗位，稱十分期待。
香香表示帶小朋友去旅行較辛苦，聖誕節一家人會留港慶祝，「我不鍾意『小強』，只鍾意『大強』，大仔好乖，知我驚曱甴，有次見我遇到曱甴大嗌，佢同我講唔使驚，下次再有曱甴就幫我，以為他講完就算，已經好冧，最近又見到隻細曱甴，他便叫我畀隻手他，拖我到一個安全地方，得3歲半人仔，沒想過他咁識諗，當刻好感動，決定送好多車車玩具給他做聖誕禮物，細仔都有份」。香香稱知道陳凱琳宣布第3度有喜，恭喜對方，問她可有計劃追多個女？她說：「無諗過，順其自然，𠵱家已經好充實，呢啲嘢迫唔到，最緊要知足、自得其樂。」
記者：林祖傑
■更多娛樂猛料 ﹕ol.mingpao.com
