王賢誌拍《仔仔一堂》有使命 難忘母親生前視Kevin為兒子

文章日期:2022年12月03日

【明報專訊】王賢誌(Vinci)日前接受林柏希主持的網上節目《月傾會》訪問。提到他是演員、主持及生意人,最近又成為電視節目《仔仔一堂》製作人,在眾多身分中,他稱最重要、最鍾意的角色是做人哋老公。他與Kevin拍拖7年才結婚,已結婚6年了,兩人更是對方的初戀。Vinci表示跟Kevin是兩個不同世界的人,「佢識煮飯、種嘢、養動物,佢睇YouTube是睇劏魚、鋸木;我鍾意睇騷、時裝,大家可以在對方身上發掘好多話題」。

Vinci構思《仔仔一堂》,不想令人聽到節目名便有「教人搞基」的感覺,若純訪談會好悶,故他以dating為包裝。拍攝期間遇上人生大考驗,就是他跟Kevin的母親先後離世,當時他日日出入醫院,Kevin媽媽在澳門,為此他們曾在澳門隔離14日,為見最後一面。Vinci母親也在今年初離世,他難忘在最後的日子,媽媽捉住他與Kevin手說的話。他說:「佢(王媽媽)同Kevin講,『你媽媽走咗喇,我就係你媽媽』。嗰刻我覺得,其實我做呢個節目有更大嘅使命,我唔係剩係想帶出大家更認識gay嘅生活,而係我好想令到同性戀者身邊嘅屋企人都去明白,其實大家嘅包容同接納係更加緊要。」

對陳鍵鋒有好感 鍾意吳家樂

Vinci被問到曾否喜觀圈中男拍檔?他透露因拍戲經常見面,對陳鍵鋒有好感,但未到鍾意,至於吳家樂是跟他同日試鏡《K-100》,「識咗好多年。(對方知否你鍾意佢?)我諗唔會唔知,感覺到嘅」。

娛樂組