【明報專訊】李思捷監製及主持無綫遊戲節目《思家大戰》，贏得新加坡「2022亞洲影藝創意大獎」（Asian Academy Creative Awards 2022）最佳娛樂節目主持亞洲區冠軍殊榮，昨日無綫特別預備了蛋糕和香檳，為他及節目團隊慶祝。
李思捷受訪時難掩興奮，承認開心到手震，不過沒有因得獎激動到喊。他表示獎項由總經理曾志偉幫他空運回港，當他知道得獎時立即向家人及朋友分享喜悅，打算遲些請團隊食飯慶祝。是否人生中最大獎項？他說：「同TVB上年個獎一樣大，一樣咁開心，不過因為今次是和其他不同國家角逐，估唔到個節目可以衝出香港。」
李思捷直認很想開第三季，「呢份工真係正到爆，每日做緊自己鍾意做嘅嘢，呢個show係我偶像Steve Harvey主持，睇咗咁多年，我可以主持到是夢想成真，不是要搵什麼大錢，這個節目是一個好好的工作畀我enjoy」。他透露已有新構思，想做一些婦女節目，為家庭主婦散發正能量，「不過今次做監製，未必親自落場主持」。
