【明報專訊】魏浚笙（Jeffrey）自資6位數字製作單曲及拍MV圓歌手夢，首支單曲《第一個迷》MV上架22小時就登上熱門影片第一位。新歌除邀得著名填詞人黃偉文（Wyman）、唱作歌手林奕匡及監製Edward Chan打造，更獲鄭秀文（Sammi）、毛舜筠、Tyson Yoshi、MIRROR成員呂爵安、邱士縉、王智德等幫手宣傳。Jeffrey前晚在銅鑼灣街頭玩快閃為新歌造勢，獲近百咖啡豆（粉絲暱稱）到場舉牌支持，他非常感恩。
Jeffrey於商場外的大電視下與粉絲睇新歌MV，見他有點眼濕濕，他說：「真係好感動，完全無諗過自己會有歌曲，MV上到熱門榜好開心！多謝大家支持，希望大家會重複睇，我都睇了20次，好滿意作品，真係睇到喊，見到作品出世好感動。」
親邀Sammi幫手宣傳
獲不少圈中人幫手宣傳新歌？Jeffrey說：「是我叫的，好多謝他們支持，是我好厚面皮咁逐個向他們邀請，因自己是獨立音樂人，宣傳上都要全部自己做。」他稱親邀Sammi幫手，「Sammi前輩是我在活動上邀請的，我當時跟她講『你好Sammi前輩，小弟嚟緊有第一首作品，請問可否在12月29日幫手出一個IG story』，好多謝咁多位前輩幫手，真的好感恩」。他好想跟Sammi合作，但先要練好歌藝。
記者：林祖傑
攝影：劉永銳
■更多娛樂猛料 ﹕ol.mingpao.com
