【明報專訊】張敬軒（軒仔）前晚出發往英國，提早為3月16日舉行一連三場的《The Prime Classics Hins Live in London張敬軒倫敦演唱會》備戰，逾300歌迷到機場送機，場面墟冚。
軒仔得知歌迷為見他等候數小時，下車便跟歌迷簽名、合照，他說：「好耐無見大家唔戴口罩個樣，多謝大家山長水遠嚟到。」有歌迷高呼：「帶埋我走。」軒仔笑道：「我啲行李已經爆晒喇，咁我要買個大啲嘅篋。」亦有歌迷高唱《讓我跟你走》送行。據知軒仔的香港官方歌迷會有逾500歌迷將飛往當地撐場。
倫敦演唱會門票秒速售罄，紀念入行20周年的紅館演唱會DVD及CD同樣一碟難求，軒仔說：「真係好意想不到，大家真金白銀買飛睇我演唱會之餘，仲買碟支持，真係好多謝大家、好感恩。」軒仔完成倫敦演唱會後，7月會到美國拉斯維加斯、Reno、紐約舉行3場巡迴演唱會。
娛樂組
