【明報專訊】無綫電視總經理（節目內容營運）曾志偉今日70歲生日，連日來不同好友為他慶祝。譚詠麟前日在社交網分享志偉捧蛋糕照片，寫道：「4月最多人生日，又要提早同『獎門人』慶生！今晚整咗個蟹肉海膽蛋糕畀佢試吓。」志偉獲無綫台前幕後為他舉行驚喜生日會，大批藝人參加，包括薛家燕（家燕姐）、肥媽、劉佩玥、馮盈盈、吳若希、江嘉敏、譚俊彥、黎諾懿、洪永城、戴祖儀、羅毓儀、宋宛穎等，眾人大唱生日歌，家燕姐特別準備了巨型壽桃蛋糕賀壽星。志偉許願，「希望大家、觀眾都身體健康，賺多啲」。肥媽與家燕姐齊吻賀志偉，他開心嘟嘴望鏡頭；家燕姐還送上大利市。
志偉接受TVB娛樂新聞台訪問時，林秀怡、吳幸美、朱凱婷等都突襲在鏡頭前獻吻，他笑說：「唉！人妻又有，人母又有，祖母都有。未試過兩個（肥媽與家燕姐）夾埋百幾歲嚟惜我，有排唔洗面啦。今日主題叫醜態百出呀。」
娛樂組
