【明報專訊】肥媽（Maria Cordero）伙李家鼎（鼎爺）和游嘉欣主持無綫新節目《肥媽李鼎》，昨晚（25日）播出一集以「廚藝界的明爭暗鬥」為主題，肥媽與鼎爺大爆圈中秘聞。肥媽稱曾被人搶job，原本有人邀她到馬來西亞演出，卻傳她答應了廖偉雄做嘉賓，結果被取消原本的邀請。後來她看到報道，有個肥女人抄她的髮型去表演，自稱「馬來西亞肥媽」，累她失掉工作。自認細膽的游嘉欣問肥媽：「驚唔驚畀人話爆咁多嘢？」肥媽教路，「做娛樂圈不要怕畀人話，冇人話你係唔會紅㗎」。
肥媽趁機翻鼎爺舊帳，重提他做烹飪比賽節目時「蝦人」傳聞，鬧到人喊。游嘉欣見狀即笑問：「聽聞阿爺同肥媽都唔啱喎？」場面搞笑。
今晚（26日）播出以「識食之人」為題，談起圈中食家，肥媽和鼎爺異口同聲稱非譚炳文莫屬，「後生女」游嘉欣聽到「食家」二字，即笑稱有另一涵意，「講起食家，已經唔係食菜，係食仔同食女……」肥媽即搞笑問鼎爺：「你食咗幾多呀？」鼎爺吃了誠實豆沙包般和盤托出，「咪舊底嗰個，同埋𠵱家嗰個，全世界都知，我26歲都冇……冇……嗰種關係」。
娛樂組
