【明報專訊】36歲周吉佩奪得無綫節目《中年好聲音》首屆冠軍，他之前接受楊詩敏（蝦頭）與連詩雅的網台節目《絲打圍佬》訪問，大談音樂路和跟太太黃彥欣的關係。
周吉佩透露參賽最大得着是太太180度轉變支持，以前夫妻常為音樂而拗撬，當年他瞞着太太簽唱片公司，影響正職收入，那時太太佗着第一胎，因而對他失信心，傷及彼此信任，他更不敢在家中唱歌。今次參加《中年好聲音》亦先斬後奏，他之後一度被淘汰，隔了不久收到製作組電話，有機會重返節目，他稱太太那時「突然醒咗」，覺得有人欣賞他。
周吉佩與太太育有7歲女兒及5歲兒子，自爆有小朋友後沒有二人世界，大呻跟太太分房瞓長達7年，好慘要投訴，「太太生了小朋友後母性大爆發，將我的被鋪掉到細房，要我自己瞓，太太同小朋友瞓，已經7年多」。蝦頭和連詩雅即質疑問：「不過你哋都有細仔喎，仲可以製造到細佬？」周吉佩笑說：「喺梳化。」他參加《中年好聲音》後尋回男人的尊嚴，終於可以入房瞓，「可能會唔會係男人事業有番少少起色，女人就畀番少少尊嚴你」。
娛樂組
