【明報專訊】羅家英與汪明荃（阿姐）5月2日結婚14周年，前日阿姐跟家英哥拍短片在社交平台放閃，夫妻齊曬手上家英哥補送的結婚戒指。家英哥說︰「呢一日係5月2日，我哋結婚14年啦！我就冇乜嘢好送，因為我哋以前有對結婚戒指……」阿姐緊接道︰「被賊偷咗。」據資料2013年7月，阿姐的西貢豪宅被爆竊，失300萬財物，連夾萬也被搬走，二人的婚戒在夾萬內。
家英哥解釋︰「對戒指唔係我買，係佢（汪明荃）買，買咗之後戴咗冇幾耐就擺咗入保險箱。點知成個保險箱被賊偷咗，對戒指就冇咗。我諗諗吓買啲乜嘢好呢？就買戒指啦，喺電腦入面搵番呢對同款戒指，冇幾耐之後就會鑲番個名上去。」阿姐連說兩句：「好感動呀。」大讚戒指很漂亮，又與家英哥齊齊嘟嘴互送飛吻，十分甜蜜。
娛樂組
