【明報專訊】TVB以王晶製作的劇集《一舞傾城》跟ViuTV《全民造星V》同時段對撼，前者以香港1980年代夜總會紙醉金迷為背景，目標觀眾不一樣。前晚《一舞傾城》首播，主要角色陸續登場，以萬國城夜總會成立8周年揭開序幕，緊接有不少重口味情節，蔡潔飾演舞小姐Monica，遭黑社會大佬麻鷹（李嘉飾演）睇中，企圖在夜總會對她施暴，還大特寫蔡潔的黑絲襪被撕爛，幸好飾演夜總會打手的卓志飛（楊明飾）及時勇救佳人。
拍這場強暴戲時發生流血事件，受傷的是李嘉，他被玻璃枱割傷。蔡潔說：「拍咗第一Take時佢血流不止，大家都唔知點算好，呢個時候男人就會發揮好Man嘅魅力，佢完全係唔care個傷口，止完血繼續拍攝，最後好順利完成。」她又爆現實中跟李嘉相處時，對方似大細路。劇中李嘉是夜總會媽媽生（莊鍶敏飾）情人，兩人上演牀戲，雖然動作是點到即止，但李嘉是大隻佬，莊鍶敏則身材豐滿，場面「肉騰騰」。
娛樂組
