【明報專訊】麥玲玲主持無綫J2台清談節目《玲玲友情報》，明天（6日）播出一集大談「出Pool」主題，嘉賓J2er黃紫恩、胡美貽、蔡景行與戀愛教練Angus分享經驗。玲玲提到工作上遇到不少奇怪擇偶要求的客人，有人要求女友條件是喜歡食餃子，又有女客人要求另一半要穿西裝上班，「其實條件係你自己定，遇唔遇到係另一回事。你定到個條件好高，先望望自己。要求愈高，成功搵到心儀對象機會就愈低」。
玲玲自爆當年老公的擇偶條件跟她是截然不同，「佢希望將來另一半係超瘦，同埋預對方婚後肥30%就啱啱好，呢啲就係怕乜就踩乜」。她形容老公的擇偶要求不切實際，會特意選平民餐廳為首次約會地點，測試約會女士的人品質素，曾激到約會對象拂袖離座。她笑言也曾被老公帶到迴轉壽司店開餐，食到發火，「好麻煩，食嘢時不停移位，真係想打人。好彩我個人唔現實啫」。他們初約會的節目是看三級恐怖片，老公觀看時比她更驚。
黃紫恩節目中自言因為要求高而未識到男朋友，惟節目組同事指她是太麻甩、太嘈、樣衰、成日亂噏、頭大身細、太性感和講嘢太快。黃紫恩承認︰「全部都啱，我要為成功『出Pool』而封嘴。」
娛樂組
