【明報專訊】余香凝、林保怡及姜大衛等主演電影《白日之下》票房持續上升，截至前日上映28日，累積票房衝破1700萬元，團隊感激觀眾支持，導演簡君晋前晚率領姜大衛、余香凝、林保怡、梁仲恆、梁雍婷、陳湛文及朱栢謙等12人到戲院謝票，親身答謝觀眾，並祝電影踏入第5周票房繼續有好成績。
姜大衛：通伯唔傻㗎
姜大衛主動搞氣氛，即場戴上戲中角色通伯的標誌鴨嘴帽，全場觀眾拍掌起哄，他笑說：「其實通伯唔傻㗎，好似我咁醒嘅，好多謝大家支持《白日之下》，希望大家多啲入戲院睇電影，好多香港電影真係好好睇嘅。」林保怡首次加入團隊謝票，跟觀眾打成一片，他說：「剛才John哥（姜大衛）見到我，佢話想打我，我這個院長真係抵打，係一個魔鬼角色。」
導演盼電影去得更遠
電影上映後贏口碑，簡君晋再次感謝觀眾愛戴，「票房好即是代表好多人入場支持，這個都是我哋最想見到的，同埋引起坊間討論及反思，希望電影可以去得更遠」。林保怡希望觀眾支持外，同時要告知朋友，一部好的電影是好難得的。姜大衛相信好電影一定有觀眾看，「今日的影評、票房，我哋都已經好享受好滿足」。余香凝希望電影去更多不同地方上映，讓更多不同的人看到。
娛樂組
