【明報專訊】張致恒（Steven）跟區燕雯（雯雯）育有4子，孻仔張天樂今年9月出世，早前稱要為一家六口負責任，公布做了結紮手術。雯雯要照顧4子不能外出工作，掙錢養家的責任落在Steven身上。他為生活到情趣商店當售貨員，在街派傳單，又開直播宣傳公司商品。
Steven跟雯雯的關係時好時壞，經濟問題一直未解決，雯雯不時公開鬧老公又嗌離婚，曾聲稱要將4子交社工和有關人士決定去向。Steven本月初因穿的鞋子爛了在社交網發文求贊助，昨日他在限時動態公開求助，「我真係好攰，一直以為自己會撐得住，4個小朋友病咗個幾月，最後連自己都病埋，搭地鐵嘅時候成日企喺度瞓着咗，搞到個電話跌落地，𠵱家成個電話都碎晒，再加上屋企嘅經濟壓力，令到我就嚟頂唔住，已經因為交唔到租搬過好多次，我真係好努力去面對，我唔想再搬屋……我真係好辛苦……有冇人可以幫到我……」有網民留言建議Steven跟雯雯調轉職責，指他的工作、搵錢能力比老婆低，對方也沒有藉口不工作；雯雯回覆該網民：「我冇搵藉口要湊仔唔做嘢。」
娛樂組
