【明報專訊】劉德華（華仔）監製兼主演電影《潛行》找來數名相識多年的武師參演，包括40年前無綫劇《神鵰俠侶》的「鵰兄」孖大、1994年電影《刀劍笑》阿財，以及拍廣告時認識的張華。3人拍攝《潛行》當天，華仔沒有戲分，但特別到場打氣。他介紹一班武師和動作演員時說：「點都要過嚟睇吓戰友，佢哋都仲係咁後生。」
難忘跟華仔路邊開餐
孖大回憶當年與華仔拍《神鵰俠侶》點滴，「佢未紅嗰時，我哋開工一齊喺路邊食飯。最記得喺電視台拍《神鵰俠侶》，我做隻鵰，日頭拍外景，一齊吊威吔打餐飽，夜晚一齊入廠做文戲」。
阿財笑言跟華仔合作日子不算太長，不明白為何常在戲中被對方打，難忘拍《刀劍笑》最困難和辛苦，又大讚華仔記性好，會記得九成動作，頗厲害。
張華則分享當年與華仔拍廣告吊威吔趣事，「佢拍廣告時要吊威吔，現場有正指導同威吔指導。記得劉生同我講『你哋有咩唔明講聲我知』，我好尷尬，因為我老闆喺度，唔可以亂講嘢，所以冇答佢，好遺憾」。
娛樂組
