【明報專訊】李克勤昨日到中環出席銀行活動，表示上半年一直忙巡迴演唱會，剛完成北京站，感受很深，「都幾開心，身為中國人可以在北京首次舉行個人演唱會，是一件會和媽媽講的事，十分興奮，加上有很多國家隊羽毛球球員入場撐我，平時我坐響度看他們打波，今次到他們坐響度睇我唱歌，感覺幾爽」。問可擔心如張學友般巡唱失守病倒？他承認：「梗係驚啦，平時去人多的地方都會戴口罩，盡量小心點，工作就冇辦法，順住個勢去啦。」
克勤表示留港個多星期，之後到寧波、廣州及蘇州繼續巡唱。經常出埠，和兒子關係可有疏離？他笑說：「梗係唔會啦！當然要畀足零用錢，日前先同細仔去睇高爾夫球比賽，比賽完結還陪他等球員簽名合照，忍唔住同佢講，人哋搵你老竇簽名，佢就要老竇陪佢等人哋簽名。」他表示留港的時間都分配給兒子和睇波，太太盧淑儀經常會陪他出埠巡唱。
